Gawai 2010 (Part 2)

Pengabang nadai di kangau

Kenyalang Ngabang ngagai siti rumah panjai ba menua Keranggas Pantu kena 1/6/2010, maya bala ba rumah panjai nya benung nyambut Gawai tu tadi. Berita ari Unggal Victor Luna Amin, ayan ba Borneo Post. Pekara nya endang iya amat nyelai kala nyadi serebak enggau pengawa kitai ti ngintu Gawai.

Ba Rh Sandai di Machan mega enda kurang pekara ti nyadi. Kena lemai 30/5//2010, kira jam 10 lemai, benung bala indu nembiak chapu ba ruai. Siku temuai ti enda temu ari penatai tak bisi di peda ba tengah ruai lalu nuju ngagai tikai penuduk. Gamal iya endang sigat belabung sereta bekaki mansau chechirak.

Nasib ga bala anak sempat beambi ka gambar, awak ka bisi di kunsi enggau di tusui ngagai bala mayuh.

Pengabang terubah kena lemai 30/5/2010, pala & iku mansau chirak-chirak (merah)

Pengabang Lembau nukung ba tisi dinding

cda

Pengabang Gawai

YB Datuk Gramong Juna Ngabang Gawai di Ulu Sungai


Kena lemai 1/6/2010, bala ba Rh Sandai enggau Rh Kayan berasai amat betuah laban ti terubah iya YB datuk Gramong Juna ngabang Gawai Dayak taja pan iya udah nyadi Pengari Sitak Machan kenyau ari 1986 kelia.

Penemuai iya enda bulih sejam duduk di ruai, udah umbas mega ngayan ka mua kena mandang ka iya berat ka pemedis pengidup di ulu sungai, pia ku TR Kayan.

Lebuh ti berandau, YB Datuk Gramong madah ka diri ngelama tu semina ngabang ba rumah panjai tisi jalai Kanowit enggau Machan. Taun tu kira betuah meh bala di Ng Menalun Poi enggau Mangut Machan laban ti kena lawa YB Datuk Gramong & Datin Catherine, DO Bobby Yamoh & Mrs, sereta KPD ASP Lanying & Mrs. ngena Helicopter.

YB Datuk Gramong Juna ngenatai ka sekeda berita Gawai ba Rh Kayan

Terubah YB Datuk Gramong Juna Ngabang Gawai ba Rh Sandai Mangut Machan

Terubah YB Datuk Gramong Juna ngabang Gawai di menua ulu sungai ba Rh Kayan

Pemulai YB Datuk Gramong ari Mangut

cda

Rami Gawai 2010

Ninting taun sekayu rumah, makai bereta di ruai diri empu kira pukul 8.00 malam nyadi ka pekara ti enda tau enda. Sebedau makai, Tuai Sembiang ngepun ka pengawa berkat ka semua pemakai sereta pengawa ti nyambut Gawai Dayak ba Ruai Tuai Gawai.

Dulu suba, makai diri sebilik semina ba bilik diri empu aja pengudah tuai sembiang pupus sembiang ninting pintu. Chara nya udah di ubah laban kelalu lama jam tebasau ba Program Makai Lemai. Atur baru diatu, udah di kena lebih 10 taun laban mayuh program bukai deka di kena nyambut Gawai ti di ungkup ka diri serumah.

Tuai Gawai taun tu, udah di padu ka sida Komiti Gawai. Enda ulih lari ga kaban ari tanggung pengawa nya. Ngenatai ka terima kasih ngagai sekayu rumah laban ti pechaya ka kaban megai tanggung pengawa ti berat nya. Ukai mina nyadi Tuai Gawai, Apaienduq di pinta TR Sandai ngenatai sekde

Taun tu mega, bala Komiti Gawai bisi nerima bantu ba wang ringgit di kena bebeli ka Perais enggau meri Insentif Sekula. Ngari ka raban Komiti Gawai ti betuai ka Apai Atan, ngenatai ka terima besai terima kasih ka tulung ari Mr. Vincent Jinggut (RM500), Mr. Embam Ak Bundak (RM200), Pn. Henritta Jinggut (RM200), Pn. Evelyn Jinggut (RM100) & Pn Mareia Assan (RM50). Duit tulung sida tu di kena nambah ka duit gumpul ari bala diri serumah di kena bebeli ka perais sereta belanja bukai.

1. Makai Lemai Serumpu diri Sebilik

Bala Apaienduq sebilik

Bala Apaienduq Sebilik

Bala Apai Temakul Sebilik


Ba Ruai Apai Ranchang


Bala Apai Bayuk Sebilik


Bala Apai Ranchang Sebilik


Sekeda bala Apai Umang Sebilik

2. Program Pekit enggau Main Asal

Pekit Beramban ungkup sida ti tuai

Sekeda pekit & main ti bisi di atur


Sekeda main ungkup bala nembiak


Lumba Nyemerai ba Sungai Machan

3. Nyeradak Ai Pengayu

Nyeradak Ai Pengayu pukul 12.00 malam

Bala Technicians, MC & Cameraman on standby

4. Insentif Pelajar, Perais Pekit enggau Main

Anak Kumang nerima perais No. 1

Apai Atan ngenatai ka perais Pekit Nyemerai


Indai Umang nerima perais ari Indai Falicka


Indai Florence nerima perais ari Dom


Indai Nelson nerima perais pekit ari Dom


Sekeda Perais ti bisi di sedia ka Komiti Gawai Rh Sandai

5. Gambar Pengingat Diri Sebilik

Bala Pasangan Apaienduq Menyadi

Bala Uchu, Anak & Menantu Niang TR. Banyan

Bala sekeda Uchu & Menantu Niang Jamban

Bala Uchu, Anak & Menantu Niang Betau

Randau Gawai enggau Indai Rose (Jenai)

cda

KOMITI GAWAI 2010

Bala rakyat Rh. Sandai udah numbuh ka Komiti Gawai 2010 ti betuai ka Apai Atan (Cikgu Stephen Antas) kena lemai 30/4/2010. Ba aum nya mega semua ti bisi datai bersetuju ka TR Sandai di padu ka nyadi Pengerusi Tetap taja pan Cikgu Stephen Antas di pilih nyadi Pengerusi Pengatur Pengawa.

Komiti Besai mega udah ngaga Komiti-Komiti Mit lalu udah berambu ka mayuh bengkah program kena nyambut Gawai, maya siang enggau maya malam 30-31/5/2010 enggau 1/6/2010 tu ila. Komiti tu mega minta bala ti datai ari Rh Sandai ti jauh enggau semak alai bekerja di pinta sama mulai ka diri maya Gawai tu kena nambah ka pengerami ba rumah panjai.

Beduduk ari mayuh bengkah pengerami pekit enggau main, Komiti Gawai mega minta bala bela besaup meri belanja ngagai Tabung Gawai. Naka ke diatu, Komiti Gawai tu udah nerima semaya pemeri ari bala anak niang Pemancha Stephen Jinggut ari Miri enggau penyampau RM500.00.

Kena nambah ka tabung nya, Pn. Mareia Hassan ari Kuching udah mega mantu RM50.00. Kelimpah ari nya En. Embam Ak Bundak ti benung ti tengah South China Sea ti enda ulih pulai Gawai mega udah besemaya mantu RM200.00 ngagai komiti tu. Cikgu Stephen Antas ngari ka Komiti Gawai ngenatai ka terima kasih ngagai semua bala kita ti sanggup mantu ngena mata duit taja pan kita enda datai ngabang ke Rh. Sandai taun tu.

Komiti tu udah belaba/estimated ka penyampau belanja di guna maya Gawai tu enda kurang ari RM2000.00 - RM2500.00 kena bebeli ka perais serta insentif pelajar enggau insentif bukai ti kena meransang ngangkat ka pemanah pendiau pengidup di rumah panjai.

Komiti tu mega udah netap sereta madu ka Tuai Gawai taun tu, bala Anak Niang ExTR Banyan Sebilik.


KOMITI GAWAI 2010

Penasihat
1. En. Johnny Kieh Dullah
2. Cikgu Suring Betau
3. En. Anthony Banyan

Pengerusi Gawai: TR Sandai
Sapit Pengerusi: Pn. Margaret Jara Banyan

Secretary: Cikgu Entalai Mambang
Sapit Secretary: Cikgu Stephen Antas

Bendahari: Pn Luncha Betau
Sapit Bendahari: Encik Sibat Nyanggau

Komiti Mit

1. En. Berain Nyanggau
2. En. Remang Tayu
3. En. Kelvin Ensan
4. En. Jacques Sibat
5. En. Kennedy Stephen
6. En. Andy Stephen
7. En. Henry Charlie
8. En. Galvin Entalai
9. Cikgu Kana Jengging
10. Umang(Laura)
11. Eton(Cherrylene)
12. Watt(Cornellius)
13. Anggat(Christopher)


cda

Pesan Krismas ari TR Sandai

TR Sandai ngenatai ka Selamat Hari Krismas ngagai semua bala sida serumah ti jauh enggau semak ti enda ulih mulai ka diri taun tu. Iya mega besampi ka semua sida serumah - mit biak besai tuai gerai sereta lantang senang dalam semua pengawa.

Endang baka selama, sida serumah deka nyambut Hari Krismas ngena atur serumpu sembiang lemai kena 24/12/2009 enggau pagi 25/12/2009.

aa

Berita Pemansang Baru

Pengelantang pendiau pengidup bala ba dua rumah panjai sereta siti Sekula di Ulu Machan di sadang deka betambah manah kira sebulan ari diatu. Kebuah pia, siti opis Perintah Besai, Jabatan Geosains dan Kajibumi deka mantu nambah ka penguat ai paip ba urung menua nya. Jangka aku, tu siti ari pilot project di gaga ba menua pesisir lebih agi ba menua ulu ti agi bepanggai ba ai bukit/gravity feed water.

Enti projek tu mujur tentu iya deka di kerembai ba menua bukai. Ba menua kerapa enggau emperan tebing tasik endang udah di temu mujur mansut ka ai ari dalam tanah, kena nangkup penanggur penusah musin kemarau panjai.

TR Sandai mansut ka berita ti amat manah tu, pengudah bala pegawai ari opis nya di Kuching nemuai ngagai rumah panjai nya bulan Sembilan/September nyin kemari. Bala rakyat di Ng. Mangut ba Rh. Sandai sereta Rh. Kayan enggau SK Ulu Machan berasai betuah amat nerima berita nya, nya alai iya ngenatai ka terima kasih ngagai ngagai opis nya ti betuai ka En. Alexander Unya. Iya mega ngenatai ka terima kasih ngagai En. Ubam sereta raban iya ti udah kala ngabas palan alai projek nya deka di adu.

Berita ti silik deka di ayan ba post ti dudi ari tu.

TR Sandai ngelalau semua bala ti berangkut pagi nya

Lori baru deka mansut ka semua perkakas ti besangkut paut enggau Pipes



Sekeda gulung paip



TR Sandai seduai TR Kayan meresa list barang ti bisi datai

n

Kawin Atan di Sematan

Selamat Gawai sereta ngenatai ka pengaga ati ngagai Atan di Limbang sereta Bini iya di Kuching laban ti udah mujur niri ka rumah tangga kena 5.6.2009. Pengaga ati mega ngagai Apai seduai Indai Atan di Sibu laban ti mujur bulih menantu ti terubah.

Pengerami melah pinang seduai, ngena adat Iban sereta adat Selako tu udah di atur ba Kampung Paun Sematan Lundu. Mayuh bala kaban belayan ari Sibu, Kanowit, Machan & Kuching bisi datai ngulu pengerami nya ti di jangka ti terubah kala di atur ba Kampung Paun ngena dua adat Selako enggau Iban.

YB Ranum Mina enggau bini mega bisi datai lalu nyadi temuai sereta ngari ka raban Selako bejako ba pengerami nya. TR Sandai seduai TR Udam mega bejako ngari ka Apai Atan ba pengerami nya.

Pun pengawa ngangkat ka Indu ke "ruai"

Atan seduai bini di tikah ngena Adat Iban

Indai Atan begambar begulai enggau sekeda raban indu ari Sibu, Kanowit & Machan

Mr. Morisson tanah aya bini Atan bejako ngari ka raban Selako

YB Ranum Mini & bini

Apai Simanggang seduai Apai Du

Apai Eva seduai Indai Alice

Sida Iton

Indai Hus (Rose) bejako ba telefon ngenatai ka berita ngagai anak iya di New Zealand

Akai dai uchu, nama meh belalai belama belakang orang?

Apai Chacha enggau Ipar ari Julau

Apai Jean, Indai Phil & Indai Jean ari Sibu maya ti belelak ba Taman Negara Gunung Gading Lundu

Bala nembiak benung nganti mee datai ba Pasar Lundu