Selamat Hari Krimas enggau Taun Baru

TR Sandai enggau bala sida ti di rumah panjai ngenatai ka "Selamat Hari Krismas enggau Taun Baru" ngagai semua sida serumah, kaban belayan, bala temuai ti semak enggau jauh.

Sida serumah mega mai bala mayuh sama besampi ngagai Allah Taala, minta berekat, betambah gerai nyamai sereta betambah mujur dalam semua pengawa ba taun ti deka datai tu ila.

Besampi mega minta pengelikun bala ti pulai mansang ke rumah panjai nengah jalai alun, jalai batang, tasik, sungai sereta bala ti nepan bilun. Enda di lupa mega besampi ka sida ti meruan gawa nadai peluang permisi maya ujung taun tu, ngajih ka kita pulai meh maya Gawai Dayak tu ila.

"Selamat Hari Krismas & Taun Baru"

Kem Sistem Tagang

Notis Nesau bala ba Pasar Machan ti bisi pengerindu deka ngulu Kem Sistem Tagang

Udah bekau lebih 2 taun Sistem Tagang di bai ba Sungai Mangut. Kena 29/11/2008 tu tadi dia MP Kanowit YB Aaron Dagang di kangau baru mantar Sistem Tagang. Mayuh bala pemesai ari opis-opis perintah di pelilih Kanowit bisi datai ngulu pengawa nya. Mega bisi datai, Pegawai Daerah Kanowit, Pegawai Pertanian, Pegawai Polis sereta opis bukai, bala pengajar, orang dagang/Contractors kelimpah ari bala tuai-tuai Masyarakat. Lebih 300 tubuh mensia bisi ngulu pengerami nya kemari ti terubah di atur ngena chara "CAMPING" di tanah tau ka ulu sungai kira pejalai 2 jam ari rumah panjai.

TR Sandai ti nyadi Chairman pengatur pengawa, meri besai terima kasih ngagai semua bala ti enggau besaup ngadu ka pengawa, lebih agi mega besai terima kasih ngagai sukung bala pemesai opis perintah enggau YB Aaron Dagang empu.

Pengawa bejadi Sistem Tagang tu udah di lanchar kena 2006 nyin suba. Kenyau ari iya udah di lanchar, Sungai Mangut lalu di tagang ngena sempekat/undang-undang alai berikan - mukat, nyala enggau di selam. Pengawa nya udah di temu mujur amat nambah ka pemayuh ikan dalam sungai. Kena lemai 28/11/2008, raban komiti udah mujur ngulih ka ikan enda kurang ari 100Kg ba kawasan "HIJAU" aja. Kawasan "KUNING" enggau "MERAH" nadai tau di tegu laban meri endor ikan diau "SELAMAT/likun". Baka mensia, kawasan larangan, kawasan Kuning enggau Merah nyadi istana ikan - kira baka istana gavernor ti di jaga bala polis, tang istana ikan di jaga ngena sempekat pemerti ati rakyat rumah panjai !!!!

Dalam randau malam nya, YB Aaron Dagang minta rakyat menua bukai tau nitih ka pengawa Sistem Tagang tu, awak ka alai bala di rumah panjai endor begiga ka ikan jemah ila. Pegawai Pertanian Kanowit mega bisi mansut ka jaku lalau, minta rakyat di Mangut terus ngibun Sistem Tagang, lalu minta TR Sandai ngaga peminta ngagai Opis Betanam & Betupi nambah ka anak ikan empurau, semah enggau tenggadak.

Ba pengawa randau malam nya mega, semua ti bisi datai amat ngasai ka bisi penguntung laban bisi orang ti landik sereta mayuh peneleba bekunsi ka penemu enggau bala mayuh. Dr. John Brian siko Consultant bansa Iban ari Kuala Lumpur, bekunsi ka penemu ba pemansang pelajar sekula enggau pemansang runding mensia. Mr. Lubon Tigong bekunsi ka penemu sereta peneleba iya ti kala nyadi legal advisor ba Petronas/MNLG lalu diatu bumai bekebun ngena chara dagang (commercial farming) di Bintulu.

Deka mupuk ke Mangut ari Pasar Machan

Cikgu Hillary Tawan menyanak nganjung "report" ke Kuching ari bukit belakang rumah panjai

Bala Bujang Regas deka mupuk malam ari rumah panjai nuju Kem


Bala anak dara pan enggai enda nguji bejalai di babas


Deka mupuk nuju Kem ngejang ka rumah panjai jam 7.00 pagi


"Polis" nyaga Sistem Tagang ba Sungai Mangut


Ha ha ha steady Cikgu, ulih selam tauka ulih jala nya cikgu?


Raban Bujang Regas ba Wong Kara


Bala Cikgu, engka nyadi Goro tai chi tauka yoga ka bala Bujang Regas kini?


Nya baru steady, semua concentrate ngemata ka lempis semah mansau!!!


Mr Lubon Tigong nerit ka tanchut laban sekeda lemak gerinti lenyau

Dr. John Brian seduai Mr. Donny Joseph benung matak seput niki jalai pemintas


Dr. John Brian rindu nguji ngena perau nampung pejalai nuju Kem !!


Pansuh ikan baru pansut ari ruas agi angat, nganti penatai kami jam 9,15 pm, udah lepi amat !


Pegawai Pertanian Daerah Kanowit - kenu ko orang iya pandai becherita pasal "sawa nelan" tang sekali tu mansut ka berita ari Opis Betanam Betupi


YB Aaron Dagang ngenatai ka lalau sereta mantar pengawa Sistem Tagang

Christopher Buda mulai ka pengingat mudik Ai Mangut maya musim engkabang kelia


Raban Bujang Regas nyadi "penonton teket 50 sen"


Sekeda tunu ngut nya, udah kena tisir, kena mantup ka penenguk


Nguji mansut ka peluh laban jauh lemai angin berasai amat chelap engka "freshlah nya"

Cr. Judun, Mr. Munan John sereta Mr. Lubon Tigong

YB Aaron Dagang & Mr. Paul Igai deka mupuk ngejang ka kem


Igat Lang seduai Uncle iya sedia deka ngunchi gate sebedau ninggal ka Kem


Selamat jalai, tang enda gerinti utai di langit, sedia payung sebedau ujan !!!!


Soup ikan "kirum nuju" semua bala kaban ti enda ulih datai !!!

(Sekeda gambar deka ditambah dudi !!!)

Aram Makai Semah sambil kitai Picnic

TR Sandai enggau TR Kayan sereta Raban Komiti Pemansang rumah panjai udah netap ka hari, maya "Harvest System Tagang" di Machan.

Hari Bulan: 29 - 30 Nov 2008
Tempat: Sungai Mangut Machan Kanowit

Bala ti semaya deka datai ngulu pengawa tu di tesau datai ba Pasar Machanb sebedau pukul 10.00 pagi kena 29 Nov 2008.

Bala bukai enti bisi ati deka enggau ngenatai ka diri, tau mega betanya ari TR Sandai (019 - 4673027)

Berita ti silik tau mega di peda ba post ti dulu ari tu.

Bala mayuh sigi di pinta sereta di lalu ka penatai ngulu pengawa tu, pengawa ti terubah di atur ba menua bagi Sibu.

Sistem Tagang Manggai 2 Taun

Opis Betanam Betupi udah ngepun ka Sistem Tagang ba pelilih Kanowit kenyau ari taun 2005 nyin suba.

Rh Sandai enggau Rh Kayan di Mangut udah benasib laban ampit ungkup ari opis Betanam Betupi ngepun ka Sistem Tagang ba Sungai Mangut dalam taun 2006. Maya nya enda kurang ari 60,000 iko anak ikan Semah, Empurau, Tenggadak sereta ikan sungai bukai bisi di lepas ba Sungai Mangut.

Nitih ka tempuh ari Opis Betanam, kena bulan Sembilan 2008 tu kira udah tau di"UJI" sekeda ikan nya.

Nya alai bala ari Rh Sandai enggau bala ari Rh Kayan udah baum lalu setuju deka ngatur "program harvest" ikan kena 18 - 19/9/2008. Berita baru ari TR Sandai madah maya udah di insur ngagai 27 - 28/9/2008 kena ka ujung minggu.

Bala ari opis-opis perintah di Kanowit kelimpah ari sida Pengari tauka Menteri deka di kangau sama ngulu program nya ila.

Naka ke diatu, bala bukai ti udah madah ka diri deka datai ngulu pengawa nya, dua iko bansa Jipun ti nyadi Technical Advisor ka Perintah Sarawak. List Raban Temuai ti di sadang datai baka ba baruh tu.

Bala bukai enti bisi ati deka enggau ngenatai ka diri, tau mega betanya ari TR Sandai (019 - 4673027)


TR Sandai sereta Raban Komiti pengatur pengawa, ngenatai ka pemutus AUM ti baru, HARIBULAN maya program tu di insur lalu deka di padah dudi. Program tu di ubah laban bisi penanggul berat nyadi berebak, nya alai bala raban Komiti minta ampun ngagai semua bala mayuh.

LIST TEMUAI

1. Bala VIPs

1.1 YB Datuk Gramong Juna
1.2 YB En Aaron Dagang


2. Bala Kaban

2.1 Mr. Anthony Banyan (Kch)
2.2 Mr. Christopher Buda Ansam (+ 4 frnds)(KL/Btu)
2.3 Mr. Roland Renggie (Kch)
2.4 Mr. William Baja Jap (Sibu)
2.5 Mr. Langkasty Narang (+ Frens)(Kch/Pontianak)
2.6 Mr. Kazuhiko Moriaka (+ Japanese Fren)
2.7 Mr. Kassim Jeritan (Kch)
2.8 Mr. Brangking Unang (Kch)
2.9 Mr. Edmund Renggie (Kch)
2.10 Mr. Friday Belik (Betong)
2.11 Mr. Jonathan Bangau (Kch)
2.12 Mr. Hillary Tawan (Kch)

Pengerami Gawai Dayak 2008

1. Sedia deka Nyambut Gawai ngena sekeda Pengawa Pemansang


1.1 Pengawa Beterang Jadi Melaki Bini

Ngenatai ka pengaga ati ngagai Apai seduai Indai Bayuk, laban udah mujur nambah ka pemayuh tubuh ba bilik kita. Pengaga ati mega ngagai nuan Igat Galang, kami besampi ka nuan mega mujur ngepun ka pengawa niri ka ruang bilik.

Pengawa melaki bini di kerandau sida ke tuai bebala mayuh

Berkat ka "jadi melaki bini", Galang Ak Ajun

1.2 Nyedia ka Perais Pekit Gawai

Bala Komiti Pekit Gawai benung nusun sekeda Perais

Sekeda ari Perais

1.3 Nuju Pengerai Tubuh sereta Pendiau

Senamrobik pagi 31.5.2008 sebedau pengawa Gotong Royong

Program Pengidup Gerai Nyamai "Healty Village" di Rh sandai ari Medical Department Kanowit

Solar power supply Rh Sandai kenyau ari 2003 kelimpah ari ngena Generator Set

Pengawa Gotong Rotong Meresi keliling rumah panjai

Apai Falicka seduai Indai Falicka

1.3 Pekit sereta Pengawa Negut ka Kaul diri Serumah

Pekit nyemerai, sereta "Sukanika" di Sungai Machan

Sedia ka Pemakai tunu ba kerangan

2. Malam Gawai

Ngenatai ka pengaga ati ngagai Raban Komiti Pengatur Pengerami Gawai Rh Sandai, laban ti udah mujur ngatur pengerami Gawai taun tu. Ukai mina nya aja, sida iya mega mujur mai 99% bala anak nembiak Rh Sandai mulai ka diri sebedau Gawai sereta pengawa sida sebuat nyedia ka enda kurang ari 38 hampers ti nyadi ka perais mayuh bengkah pekit.

Bala komiti sida mega mujur bendar ngatur mayuh bengkah program ukai semina ka bala nembiak tang mega ka bala ti besai tuai. Ngajih ka kita terus mujur dalam semua pengawa.

Selamat Gawai Dayak 2008 tu, sereta besampi ka pengerai enggau pengelikun semua kitai dalam taun-taun ti deka datai. Sampi mega ka bala nembiak, awak ka kita mujur ba pelajar kena nuju "Wawasan 10 Graduates" sebedau 2011 ari Rh Sandai, Mangut, Machan.

Makai Lemai diri sebilik 31.5.2008 ba ruai, sereta sekayu rumah

Gambar diri Sebilik sebedau Makai Malam ba ruai



Sida Cikgu Clement "Apai Chacha" sebilik

Sida Apai Atan "Cikgu Stephen" sebilik





Sida Apai Umang "Cikgu Entalai" Sebilik





Sida Cikgu Suring "Apai Florence" Sebilik





Chairman Gawai 2008, Cikgu Suring Ak Betau bejako ngelalu ka penatai bala mayuh




TR Sandai ngenatai ka Jako Lalau sereta Pesan Gawai Dayak ngagai diri serumah




Sibat Nyanggau ngenatai ka Report Tukang Wang JKKK Rumah Panjai




Remang "Apai Temakul" nerima perais Pekit Pemanah Baju ka lelaki




Ngenatai ka Incentive Sekula ngagai sekeda nembiak ti bulih Pemutus Pelajar ti manah




Cikgu Entalai ngenatai ka Perais Pekit "ngisi ai ngagai botol"




Sedia nganti Nyeradak Ai Pengayu



Tuai enggau biak Nyeradak Ai Pengayu

3. Pengawa Kena Ngintu Gawai

Endun Florence ngelalu ka bala mayuh datai sebedau sembiang berkat ba ruai

Apai Mandang ngepun ka Sembiang Berkat Ruai pagi 1/6/2008

Sembiang Berkat bilik pengudah Gawai

Bala Machanster ngabang gelau



Ngabas bubu

4. Ngejang ka Rumah Panjang

Mandi berumban sebedau mupuk ninggal ka pendai





Bah bah kami mupuk selamat tinggal

5. Rami Kawin

Endang baka selama, sekeda orang kawin sebedau Gawai, bisi sekeda kawin ngelebus Gawai. Ngenatai ka pengaga ati ngagai nuan mega Pang sereta "kawan" nuan nya mega, setegal udah mujur ngepun ka rumah tangga.

Pengawa rami tu mujur amat di atur taja pan maya 2/6/2008 agi bedau moot Gawai sereta apin mayuh mensia mulai ka diri ari menua diri empu.