Kawin Atan di Sematan

Selamat Gawai sereta ngenatai ka pengaga ati ngagai Atan di Limbang sereta Bini iya di Kuching laban ti udah mujur niri ka rumah tangga kena 5.6.2009. Pengaga ati mega ngagai Apai seduai Indai Atan di Sibu laban ti mujur bulih menantu ti terubah.

Pengerami melah pinang seduai, ngena adat Iban sereta adat Selako tu udah di atur ba Kampung Paun Sematan Lundu. Mayuh bala kaban belayan ari Sibu, Kanowit, Machan & Kuching bisi datai ngulu pengerami nya ti di jangka ti terubah kala di atur ba Kampung Paun ngena dua adat Selako enggau Iban.

YB Ranum Mina enggau bini mega bisi datai lalu nyadi temuai sereta ngari ka raban Selako bejako ba pengerami nya. TR Sandai seduai TR Udam mega bejako ngari ka Apai Atan ba pengerami nya.

Pun pengawa ngangkat ka Indu ke "ruai"

Atan seduai bini di tikah ngena Adat Iban

Indai Atan begambar begulai enggau sekeda raban indu ari Sibu, Kanowit & Machan

Mr. Morisson tanah aya bini Atan bejako ngari ka raban Selako

YB Ranum Mini & bini

Apai Simanggang seduai Apai Du

Apai Eva seduai Indai Alice

Sida Iton

Indai Hus (Rose) bejako ba telefon ngenatai ka berita ngagai anak iya di New Zealand

Akai dai uchu, nama meh belalai belama belakang orang?

Apai Chacha enggau Ipar ari Julau

Apai Jean, Indai Phil & Indai Jean ari Sibu maya ti belelak ba Taman Negara Gunung Gading Lundu

Bala nembiak benung nganti mee datai ba Pasar Lundu

Pengerami Gawai 2009

Gawai di rumah panjai sigi di anti bala nembiak, ti diau lalu sekula di nengeri. Ti bendar ukai gaga ka rami Gawai tang gaga deka mandi sungai alai nyemerai lalu berendam bejam jam. Nyadi ba Rh. Sandai Ng Mangut, mayuh pengawa di kena ngerami Gawai ti di ungkupkan bala nembiak mit besai sereta sida ti besai tuai. Seninjik bendar Dom ulih nyali gambar ti deka di ayan ba ruai siber RH Sandai ditu, awak ka bisi di peda bala serumah ti jauh enggau semak ti enda ulih pulai maya Gawai tu tadi.

1. Pekit Nyemerai

Sungai Machan

2. Bebela Ngut

Sekeda bala kaban bebela ka ngut ba karangan

3. Makai Lemai di Ruai

Sida Dom sebilik

Pemancha Jantan begulai enggau bala uchu

Pemancha Jantan begulai enggau sida Dom sebilik

Ini Atan, Indai TR Sandai

Bala uchu Besi ari 4 pintu ti bisi pulai Gawai taun tu

Ha ha ha ha tu Ini Dom, engka tusah ati kini meda bala uchu enda sampal datai !!!

4. Gempuru ba Ruai Tuai/Pun Gawai

Apai Umang seduai Apai Atan ti nyadi Pengurus Perais kini????

6. Pekit Mayuh Bengkah Main

Nya iya, pekit nama tu? Stidi kita neh Indai Umang!!!!

Nya iya, menantu sapa tu kini???

**** Gambar bukai deka di pasuk dudi !!!

Berita ari Tuai Rumah

TR Sandai ngenatai ka pesan ngagai bala sida serumah mai ngiga runding enggau penemu ke baru ba taun baru tu di kena nitih ka singkang pemansang ba chara pengidup ke baru.

"Taja kitai diau di rumah panjai, kitai enda tau tinggal rentak pemansang enti kitai sanggup mai ngubah penemu, mai ngubah runding, mai ngubah atur diri serumah sebaka enggau orang ti diau di nengeri". Serambau enggau taun baru tu tadi, TR Sandai, mesan sereta ngelalau sida serumah ti jauh bekerja enggau sida ti diau di rumah painjai, awak ka sama besaup ngemansang ka pengidup bala ti diau di rumah panjai.

Tuju jaku lalau iya nya awak ka di kena sida serumah nitih ka singkang pemansang orang bukai ti udah dulu maju lebih agi rumah panjai ti semak ari nengeri.

Nitih ka berita, Rh Sandai tu agi benung berunding nyedia ka diri ngatur program Homestay taja pan target dua buah rumah, program nya deka di lanchar ba taun 2009 tu. Naka kediatu, dua buah rumah panjai di Mangut udah be amat amat nyedia ka diri ba senentang Rampa Menua, alai ngepun ka Sistem Tagang ti di bai sida Opis Betanam Betupi ti terubah ba Bahagian Sibu. Sistem Tagang kira udah mujur amat diatu taja pan masuk ngagai 3 taun.

Selamat Hari Krimas enggau Taun Baru

TR Sandai enggau bala sida ti di rumah panjai ngenatai ka "Selamat Hari Krismas enggau Taun Baru" ngagai semua sida serumah, kaban belayan, bala temuai ti semak enggau jauh.

Sida serumah mega mai bala mayuh sama besampi ngagai Allah Taala, minta berekat, betambah gerai nyamai sereta betambah mujur dalam semua pengawa ba taun ti deka datai tu ila.

Besampi mega minta pengelikun bala ti pulai mansang ke rumah panjai nengah jalai alun, jalai batang, tasik, sungai sereta bala ti nepan bilun. Enda di lupa mega besampi ka sida ti meruan gawa nadai peluang permisi maya ujung taun tu, ngajih ka kita pulai meh maya Gawai Dayak tu ila.

"Selamat Hari Krismas & Taun Baru"

Kem Sistem Tagang

Notis Nesau bala ba Pasar Machan ti bisi pengerindu deka ngulu Kem Sistem Tagang

Udah bekau lebih 2 taun Sistem Tagang di bai ba Sungai Mangut. Kena 29/11/2008 tu tadi dia MP Kanowit YB Aaron Dagang di kangau baru mantar Sistem Tagang. Mayuh bala pemesai ari opis-opis perintah di pelilih Kanowit bisi datai ngulu pengawa nya. Mega bisi datai, Pegawai Daerah Kanowit, Pegawai Pertanian, Pegawai Polis sereta opis bukai, bala pengajar, orang dagang/Contractors kelimpah ari bala tuai-tuai Masyarakat. Lebih 300 tubuh mensia bisi ngulu pengerami nya kemari ti terubah di atur ngena chara "CAMPING" di tanah tau ka ulu sungai kira pejalai 2 jam ari rumah panjai.

TR Sandai ti nyadi Chairman pengatur pengawa, meri besai terima kasih ngagai semua bala ti enggau besaup ngadu ka pengawa, lebih agi mega besai terima kasih ngagai sukung bala pemesai opis perintah enggau YB Aaron Dagang empu.

Pengawa bejadi Sistem Tagang tu udah di lanchar kena 2006 nyin suba. Kenyau ari iya udah di lanchar, Sungai Mangut lalu di tagang ngena sempekat/undang-undang alai berikan - mukat, nyala enggau di selam. Pengawa nya udah di temu mujur amat nambah ka pemayuh ikan dalam sungai. Kena lemai 28/11/2008, raban komiti udah mujur ngulih ka ikan enda kurang ari 100Kg ba kawasan "HIJAU" aja. Kawasan "KUNING" enggau "MERAH" nadai tau di tegu laban meri endor ikan diau "SELAMAT/likun". Baka mensia, kawasan larangan, kawasan Kuning enggau Merah nyadi istana ikan - kira baka istana gavernor ti di jaga bala polis, tang istana ikan di jaga ngena sempekat pemerti ati rakyat rumah panjai !!!!

Dalam randau malam nya, YB Aaron Dagang minta rakyat menua bukai tau nitih ka pengawa Sistem Tagang tu, awak ka alai bala di rumah panjai endor begiga ka ikan jemah ila. Pegawai Pertanian Kanowit mega bisi mansut ka jaku lalau, minta rakyat di Mangut terus ngibun Sistem Tagang, lalu minta TR Sandai ngaga peminta ngagai Opis Betanam & Betupi nambah ka anak ikan empurau, semah enggau tenggadak.

Ba pengawa randau malam nya mega, semua ti bisi datai amat ngasai ka bisi penguntung laban bisi orang ti landik sereta mayuh peneleba bekunsi ka penemu enggau bala mayuh. Dr. John Brian siko Consultant bansa Iban ari Kuala Lumpur, bekunsi ka penemu ba pemansang pelajar sekula enggau pemansang runding mensia. Mr. Lubon Tigong bekunsi ka penemu sereta peneleba iya ti kala nyadi legal advisor ba Petronas/MNLG lalu diatu bumai bekebun ngena chara dagang (commercial farming) di Bintulu.

Deka mupuk ke Mangut ari Pasar Machan

Cikgu Hillary Tawan menyanak nganjung "report" ke Kuching ari bukit belakang rumah panjai

Bala Bujang Regas deka mupuk malam ari rumah panjai nuju Kem


Bala anak dara pan enggai enda nguji bejalai di babas


Deka mupuk nuju Kem ngejang ka rumah panjai jam 7.00 pagi


"Polis" nyaga Sistem Tagang ba Sungai Mangut


Ha ha ha steady Cikgu, ulih selam tauka ulih jala nya cikgu?


Raban Bujang Regas ba Wong Kara


Bala Cikgu, engka nyadi Goro tai chi tauka yoga ka bala Bujang Regas kini?


Nya baru steady, semua concentrate ngemata ka lempis semah mansau!!!


Mr Lubon Tigong nerit ka tanchut laban sekeda lemak gerinti lenyau

Dr. John Brian seduai Mr. Donny Joseph benung matak seput niki jalai pemintas


Dr. John Brian rindu nguji ngena perau nampung pejalai nuju Kem !!


Pansuh ikan baru pansut ari ruas agi angat, nganti penatai kami jam 9,15 pm, udah lepi amat !


Pegawai Pertanian Daerah Kanowit - kenu ko orang iya pandai becherita pasal "sawa nelan" tang sekali tu mansut ka berita ari Opis Betanam Betupi


YB Aaron Dagang ngenatai ka lalau sereta mantar pengawa Sistem Tagang

Christopher Buda mulai ka pengingat mudik Ai Mangut maya musim engkabang kelia


Raban Bujang Regas nyadi "penonton teket 50 sen"


Sekeda tunu ngut nya, udah kena tisir, kena mantup ka penenguk


Nguji mansut ka peluh laban jauh lemai angin berasai amat chelap engka "freshlah nya"

Cr. Judun, Mr. Munan John sereta Mr. Lubon Tigong

YB Aaron Dagang & Mr. Paul Igai deka mupuk ngejang ka kem


Igat Lang seduai Uncle iya sedia deka ngunchi gate sebedau ninggal ka Kem


Selamat jalai, tang enda gerinti utai di langit, sedia payung sebedau ujan !!!!


Soup ikan "kirum nuju" semua bala kaban ti enda ulih datai !!!

(Sekeda gambar deka ditambah dudi !!!)

Aram Makai Semah sambil kitai Picnic

TR Sandai enggau TR Kayan sereta Raban Komiti Pemansang rumah panjai udah netap ka hari, maya "Harvest System Tagang" di Machan.

Hari Bulan: 29 - 30 Nov 2008
Tempat: Sungai Mangut Machan Kanowit

Bala ti semaya deka datai ngulu pengawa tu di tesau datai ba Pasar Machanb sebedau pukul 10.00 pagi kena 29 Nov 2008.

Bala bukai enti bisi ati deka enggau ngenatai ka diri, tau mega betanya ari TR Sandai (019 - 4673027)

Berita ti silik tau mega di peda ba post ti dulu ari tu.

Bala mayuh sigi di pinta sereta di lalu ka penatai ngulu pengawa tu, pengawa ti terubah di atur ba menua bagi Sibu.